കടമരം .. (കവിത)

ജിജി ഹസ്സൻ. (Street Light fb group)

ഓർത്തെടുത്തിന്നു ഞാൻ കോർത്ത് വയ്ച്ചു…
നേർത്തൊരോർമ്മകൾ ബാക്കി വയ്ച്ചു ….!
നൊമ്പര സന്ധ്യകൾ …,
അഴൽ പെയ്ത രാവുകൾ …
തേങ്ങലടക്കി തിരഞ്ഞു ഞാൻ
ആത്മവിശ്വാസ പുതപ്പൊന്നു
തേടിപ്പിടിച്ചൊട്ടു മൂടി-
പുതച്ചൊരാ നാളുകളിൽ ….!
ആശ്വസിപ്പിക്കുവാൻ ആളില്ലാ
നാളുകൾ ആണയിട്ടെന്നെ
ഉണർത്തി മെല്ലെ …
പകച്ചുപോയ് പിന്നെയോ
പുകച്ചു ചാടിച്ചു
പടിയടച്ചു് അന്നു ഞാൻ
ദുഖത്തിന്ന് ദുർമുഖം …!
ഉള്ളിലോ നോവിന്റെ ലാവ
ഉരുകി തിളച്ചു മറിയുമ്പോഴൊക്കെയും
ചിരിക്കാൻ പഠിപ്പിച്ച കാലമേ…!
നന്ദിയോടെന്നും തിരിഞ്ഞു
തിരഞ്ഞീടും നിന്നെ ഞാൻ …!!