എന്റെ അച്ചന്‍ (കവിത).

 മനോജ് തോമസ്, അഞ്ചേരി

ആയിരം താരഗണങ്ങളില്‍ മുന്‍പനായ്­
ഭൂമിയില്‍ ജീവ പ്രകാശമേകും
സൂര്യനെപോലെ എന്റെ അച്ചന്‍
സൂര്യബിംബമാണ്ന്നുള്ളില്‍ അച്ചന്‍ ! .

ഇടറും എന്‍ കാലുകള്‍ക്ക് താങ്ങായ്
ഇടറാതെ പാതയില്‍ വീണിടാതെ
എന്‍ കൈയ്യില്‍ പടിച്ചു നടത്തിടും
നല്‍ സാരഥി ആണ് എന്‍റ്റെ അച്ചന്‍.

അച്ചന്‍ വളര്‍ത്തിയ കുട്ടി…
ഞാന്‍ അച്ചന്റെ മോനായി വളര്‍ന്നു
അച്ചനും അമ്മയും ഇട്ടേച്ചു പോരുമ്പം
വിങ്ങി പൊട്ടി കരഞ്ഞു വളര്‍ന്നു .

അച്ചന്റെ തോളില്‍ ഇരുന്നു .
മാനത്ത് നോക്കി ചിരിച്ചു .
സൂര്യനും ചന്ദ്രനും താരങ്ങളും
മാനത്ത് കണ്ടു വളര്ന്നു ഞാന്‍.

അച്ചന്റെ കൈകളില്‍ തൂങ്ങി
നാട്ടു വഴികള്‍ നടന്നു .
തോടും , തൊടികളും , പാടങ്ങളും
കണ്ണു കുളിരെ കണ്ടു വളര്‍ന്നു ഞാന്‍ .

ആയിരം താരഗണങ്ങളില്‍ മുന്‍പനായ്
ഭൂമിയില്‍ ജീവ പ്രകാശമേകും
സൂര്യനെപോലെ എന്റെ അച്ചന്‍
സൂര്യബിംബമാണ്ന്നുള്ളില്‍ അച്ചന്‍ !.

മനോജ് തോമസ്, അഞ്ചേരി.

video clips link: https://youtu.be/kvgOpEnF-vU