ജിജി ഹസ്സൻ. (Street Light fb group)
പണ്ടത്തെ പാട്ടില്ല
ഞൊണ്ടിക്കളിയില്ല
വിരൽത്തുമ്പാൽ
സർവ്വവും
കണ്മുന്നിൽ വിടരുന്നു …!
മലർന്നു കിടന്നങ്ങു
മതിമറന്നാസ്വദിച്ചു
മലർക്കെ തുറക്കും
മറയില്ലാ ക്കാലങ്ങൾ …
നേർക്കുനേർ നോക്കില്ല
നിവർന്നു നടക്കില്ല
കൗശല കണ്ണും തുറന്നു
പിടിച്ചിട്ടു തുരന്നു കവരുന്ന
സ്വാർത്ഥക്കലികാലം ..
വിയർപ്പിന്ന് വിലയറിയാ
വലയെറിയും കൂട്ടങ്ങൾ ,
ആവശ്യ വേശ്യകൾ …
ആർഭാടപൂർവം കാലം
കഴിക്കവേ …
സ്വയം ഒഴിച്ചാരോടും
സ്നേഹിക്കാൻ മറന്നീടും ..
സ്മേരമോ സൂക്ഷിക്കും
കെണിയൊരുക്കീടാൻ മാത്രം ..
കൂടും കൂട്ടങ്ങളിൽ നിന്നെന്നോ
ഒഴിഞ്ഞുപോയി നന്മയുടെ വെണ്മ
കറുത്തു കനത്തിട്ടു
കട്ടുമുടിക്കുവാൻ,
കള്ളുകുടിക്കുവാൻ,
ഐകമത്യമൊന്നേറ്റി
മഹാബലം നേടുവാൻ …!!