പ്രവാസികൾക്കായ്. (കവിത)

രശ്മി. (Street Light fb group)

ഒരു ഹൃദയമുണ്ടിവിടെ…

ഒരു ഹൃദയമുണ്ടിവിടെ

തുടിക്കുന്നത് ജീവതാളമല്ല.

ഒരു ഹൃദയമുണ്ടിവിടെ

ഒഴുക്കുന്നത് ജീവരക്തമല്ല.

വിയർപ്പൊഴുക്കി മണൽസമുദ്രത്തിൽ

ചിറകിട്ടടിക്കുമ്പോഴും

ഒരു നാൾ,

അമ്മക്കൂടണയുമെന്നൊരു പ്രതീക്ഷ:

തളരുമ്പോഴും തളർത്താതെ

വിളിച്ചുണർത്തുന്നോരോർമ്മകൾ

പുഞ്ചിരിച്ച് ഉരുകുന്ന

മെഴുക് തിരികൾ മുന്നിൽ.

ഇരു മിഴികളുണ്ടിവിടെ

പിടയുന്നത് കനിവിനായല്ല.

ഈ മിഴികളുണ്ടിവിടെ

ഒഴുകുന്നത് ഉപ്പ് ജലമല്ല

മൗനം തിങ്ങിയ ഇടനാഴികളിലും

ആർത്തലയ്ക്കുന്ന ജീവിതം

മുന്നിൽ മറയിട്ട് സുന്ദര സത്യങ്ങളെ

ഓമനിച്ചോമനിച്ച്

മണ്ണിലേക്ക് (മണലിലേക്ക് ) മടങ്ങുന്നവർ .