ക്രിസ്മസ് ട്രീ ഒരുക്കിയപ്പോള്‍ ജീവനുള്ളതും.

ജോണ്‍സണ്‍ ചെറിയാന്‍.

വിക്ടോറിയയില്‍ വീട്ടിലൊരുക്കിയ ക്രിസ്മസ് ട്രീയില്‍ പാമ്പ് കയറി. ട്രീയെ അലങ്കരിച്ചിരിക്കുന്ന വര്‍ണ്ണങ്ങളെ വെല്ലുന്ന തരത്തിലായിരുന്നു പാമ്പ് ചുറ്റിപ്പിണഞ്ഞ് കിടന്നിരുന്നത്. ഞായറാഴ്ച രാവിലെയായിരുന്നു സംഭവം. ഫ്രാങ്ക്സ്റ്റണ്‍ എന്ന യുവതി വീട്ടിലൊരുക്കിയ ക്രിസ്മസ് ട്രീയുടെ ഭംഗി ആസ്വദിച്ചു നില്‍ക്കുകയായിരുന്നു. ഇതിനിടയിലാണ്, താന്‍ ഒരുക്കിയതിനേക്കാള്‍ വേറെ എന്തോ ക്രിസ്മസ് ട്രീയില്‍ തിളങ്ങുന്നത് ഫ്രാങ്ക്സ്റ്റണ്‍ ശ്രദ്ധിച്ചത്. സൂക്ഷിച്ചു നോക്കിയപ്പോള്‍ അത് ഒരു പാമ്പാണെന്ന് മനസ്സിലാകുകയായിരുന്നു.

പേടിച്ചു അലറിക്കൊണ്ടോടിയ ഫ്രാങ്ക്സ്റ്റണിന് ആദ്യം എന്ത് ചെയ്യണമെന്ന വെപ്രാളമായിരുന്നു. തുടര്‍ന്ന് പാമ്പ് പിടുത്തക്കാരനെ വിളിക്കാന്‍ തന്നെ തീരുമാനിച്ചു. ബാരി ഗോള്‍മാന്‍ എന്ന പ്രദേശത്തെ അറിയപ്പെടുന്ന പാമ്പ് പിടുത്തക്കാരനെ വിളിച്ച് ഫ്രാങ്ക്സ്റ്റണ്‍ വിവരം പറയുകയും പാമ്പിന്റെ ചിത്രം എടുത്ത് അയച്ചു നല്‍കുകയും ചെയ്തു.