മാവിലാപം. [കവിത]

ഒരുപക്ഷേ,നിന്റെ നഷ്ടങ്ങൾ തൻ,
തേങ്ങൽ കേട്ട്,പൂക്കാത്തതല്ല തൻ,
കുറവെന്നും,വെറുതെയാ പാവം,
ആശ്വസിച്ചോട്ടെ.

നീ ചേർത്ത് വച്ച, നിന്റെ ,
കിനാവിന്റെ പടുതിയിൽ,
വരുന്ന വസന്തം,അവളെ
പൂങ്കുലകളാൽ നിറച്ചാലോ ?

ചോദിച്ചു ഞാനാ മാവിനോട്,
പൂക്കാത്തതിൽ അവള്ക്ക് ,
സങ്കടമില്ല പോലും,കാരണം
അവൾ കാത്ത കാലത്തിൽ പൂത്തതില്ല,
ഇപ്പോൾ ,
പട്ടടയിലെ തീനാളങ്ങൾക്ക് ,
മാറ്റുകൂട്ടാൻ,നറുക്ക് വീണത്,
അവള്ക്കാണ് പോലും…