നടിയെ ആക്രമിച്ച കേസ്: കുറ്റപത്രം കോടതി ഔദ്യോഗികമായി സ്വീകരിച്ചു.

ജോണ്‍സണ്‍ ചെറിയാന്‍.

കൊച്ചി: നടിയെ ആക്രമിച്ച കേസില്‍ ദിലീപിനെതിരായ കുറ്റപത്രം കോടതി ഔദ്യോഗികമായി സ്വീകരിച്ചു. സാങ്കേതിക പിഴവുകള്‍ തിരുത്തിയ ശേഷമാണ് അങ്കമാലി മജിസ്ട്രേറ്റ് കോടതിയുടെ നടപടി. കഴിഞ്ഞ മാസം 22 നായിരുന്നു ദിലീപിനെതിരായ അനുബന്ധ കുറ്റപത്രം പൊലീസ് അങ്കമാലി മജിസ്ട്രേറ്റിന് മുമ്ബില്‍ സമര്‍പ്പിച്ചത്. തുടര്‍ന്ന് 1450 പേജുള്ള കുറ്റപത്രത്തിലെയും അനുബന്ധ രേഖകളിലെയും ചില സാങ്കേതിക പിഴവുകള്‍ പരിഹരിക്കാന്‍ കോടതി പൊലീസിനോട് ആവശ്യപ്പെട്ടിരുന്നു. ഇവ പരിഹരിച്ച്‌ കുറ്റപത്രം ഇന്നലെ കോടതിക്ക് മുമ്ബില്‍ പൊലീസ് സമര്‍പ്പിച്ചു..