മുകിലിനോട്. (കവിത)

സുജാത ശിവൻ. (Street Light fb group)

പിടയുവതെന്തേ,
പിടയുവതെന്തേ
കണ്മണിയാമെൻ കരിമുകിലേ…

നിലയ്ക്കാത്ത തേങ്ങലായ്
ഇടനെഞ്ചുപൊട്ടി നീ,
മുളന്തണ്ടുചീന്തുംപോലെ,
കരയാത്തതെന്തേ ?

അടക്കുന്നതെന്തിനായ് നീ,
അടങ്ങാത്ത തേങ്ങലൊന്നായ്,
വിതുമ്പിക്കരഞ്ഞാലൊന്നും,
തീരില്ല ദുഃഖഭാരം ,,

പുണ്യമാംതീർത്ഥമായ് നിൻ
കണ്ണുനീർക്കടൽ കാത്ത്,
വരണ്ടൊരീ നാവ് നനയ്ക്കാൻ,
കേഴുന്നീ ഭൂമി മുന്നിൽ …

അടക്കാതെ കരഞ്ഞോളു,
ജനനിതൻ മാറിലേയ്ക്കായ്,
പെയ്തൊന്നൊഴിയെട്ടെ നിൻ
നെഞ്ചിലെ കദനമൊന്നായ്…