ടീം ഫ്ലോറിഡ.
കെ.എച്ച്.എൻ.എ സൂപ്പർ സിംഗർ സീസൺ 2 വാനമ്പാടി K.S. ചിത്ര ഉത്ഘാടനം ചെയ്യുന്നു
KHNA Super Singers – Season 2 | ഏപ്രിൽ 26, 11:30 AM EST
(സതീഷ് മാടമ്പത്ത് : കെ.എച്ച്.എൻ.എ ന്യൂസ് മീഡിയ)
ഫ്ലോറിഡ: കേരള ഹിന്ദൂസ് ഓഫ് നോർത്ത് അമേരിക്ക (KHNA) സംഘടിപ്പിക്കുന്ന KHNA Super Singers – Season 2 എന്ന സംഗീത മത്സര പരിപാടിക്ക് ഈ വരുന്ന ഏപ്രിൽ 26-ന് (11:30 AM EST) തിരശ്ശീല ഉയരുന്നു. ഇന്ത്യയുടെ വാനമ്പാടി ശ്രീമതി K.S. ചിത്രയാണ് Zoom-ൽ നടക്കുന്ന ഓൺലൈൻ ചടങ്ങ് ഉത്ഘാടനം ചെയ്യുന്നത്.
പ്രശസ്ത ഗായകരായ ശ്രീ. ബിജു നാരായണൻ, ശ്രീ. ശ്രീവത്സൻ ജെ. മേനോൻ, ഉയർന്നു വരുന്ന സംഗീത പ്രതിഭ ശ്രീ. നവനീത് ഉണ്ണികൃഷ്ണൻ എന്നിവർ വിശിഷ്ടാതിഥികളായി എത്തുന്നു. പ്രവാസി യുവഗായകർക്ക് സംഗീതരംഗത്തെ പ്രമുഖരുമായി നേരിട്ട് സംവദിക്കാനും പ്രചോദനം നേടാനുമുള്ള അപൂർവ അവസരമായിരിക്കും ഇത്.
2020-ൽ സംഘടിപ്പിച്ച KHNA Super Singers – Season 1 വൻ വിജയമായിരുന്നു. അമേരിക്കയിലെ യുവഗായകർക്ക് അവരുടെ പ്രതിഭ പ്രകടിപ്പിക്കാനുള്ള മികച്ച വേദിയായി ഇത് മാറിയപ്പോൾ, നിരവധി പേർക്ക് സംഗീത രംഗത്ത് മുന്നേറാനുള്ള പ്രചോദനവും ആത്മവിശ്വാസവും ലഭിച്ചു. ആ വിജയത്തിന്റെ തുടർച്ചയായാണ് KHNA ഈ മത്സര പരിപാടിയുടെ രണ്ടാമത്തെ സീസൺ ഒരുക്കുന്നത്.
“പ്രവാസ ജീവിതത്തിനിടയിലും നമ്മുടെ സാംസ്കാരിക വേരുകളോട് ബന്ധം നിലനിർത്തുന്നതിൽ സംഗീതത്തിന്റെ പങ്ക് വളരെ വലുതാണ്. KHNA Super Singers യുവതലമുറയിലെ സംഗീത പ്രതിഭകൾക്ക് ആത്മവിശ്വാസവും അംഗീകാരവും നൽകുന്ന ഒരു വേദിയാണ്. Season 2 കൂടുതൽ പ്രതിഭകളെ കണ്ടെത്തുകയും പ്രോത്സാഹിപ്പിക്കുകയും ചെയ്യുമെന്ന് വിശ്വസിക്കുന്നു.” എന്ന് KHNA പ്രസിഡന്റ് ടി. ഉണ്ണികൃഷ്ണൻ പറഞ്ഞു:
സുന്ദര നാരായണ ഗാനാഞ്ജലി ട്രസ്റ്റ് ആണ് ഈ പരിപാടി സ്പോൺസർ ചെയ്ത് പ്രേക്ഷകരിലേക്ക് എത്തിക്കുന്നത്.
പരിപാടിയുടെ സുഗമമായ നടത്തിപ്പിനായി വിപുലമായ സംഘാടക സമിതി രൂപീകരിച്ചിട്ടുണ്ട്. ശ്രീ. സതീഷ് അമ്പാടി (Chair), സതീഷ് മാടമ്പത്ത് (Technical Coordinator), സതീഷ് കാളത്ത് (Outreach Coordinator) എന്നിവർ നേതൃത്വം നൽകുന്ന സമിതിയിൽ അഞ്ജന പ്രയാഗ, സുനിത മേനോൻ, രഞ്ജിത്ത് പിള്ള, ഹരികൃഷ്ണ കോയിപ്പള്ളിൽ (Program Coordinators) എന്നിവരും ഉൾപ്പെടുന്നു.
അമേരിക്കയിലെ യുവഗായകർക്ക് തങ്ങളുടെ പ്രതിഭ കാഴ്ചവയ്ക്കാനും ആകർഷകമായ സമ്മാനങ്ങൾ നേടാനുമുള്ള മികച്ച വേദികളിൽ ഒന്നാണ് KHNA Super Singers – Season 2. താഴെ കാണുന്ന ലിങ്ക്/QR Code ഉപയോഗിച്ച് രജിസ്റ്റർ ചെയ്യാവുന്നതാണ്.
Registration: https://namaha.org/?page_id=
ഉത്ഘാടന ചടങ്ങ് വിവരങ്ങൾ
തീയതി: ഏപ്രിൽ 26, 2026
സമയം: 11:30 AM EST
Zoom Meeting ID: 879 8046 5052
Passcode: 202602
സംഗീതപ്രേമികളും യുവഗായകരുടെ ആത്മീയരും എല്ലാവരും ഈ ഉത്ഘാടന ചടങ്ങിൽ പങ്കെടുക്കണമെന്ന് KHNA നേതൃത്വം അഭ്യർത്ഥിക്കുന്നു.
