ജോൺസൺ ചെറിയാൻ .
ക്യാന്സറിന് കാരണമാകുന്ന രാസവസ്തുവിന്റെ സാന്നിധ്യം കണ്ടെത്തിയതിനെ തുടര്ന്ന് തമിഴ്നാട്ടില് പഞ്ഞിമിട്ടായിയുടെ വില്പ്പന നിരോധിച്ചു. തമിഴ്നാട് ആരോഗ്യമന്ത്രി എം സുബ്രഹ്മണ്യനാണ് പഞ്ഞിമിട്ടായിയുടെ വില്പ്പന നിരോധിച്ചതായി അറിയിച്ചിരിക്കുന്നത്. ചെന്നൈയിലെ ബീച്ചുകളിലും പാര്ക്കുകളിലും മറ്റും വില്ക്കുന്ന പഞ്ഞിമിട്ടായിയുടെ സാമ്പിളുകള് പരിശോധിച്ചതില് നിന്നാണ് തമിഴ്നാട് ഭക്ഷ്യസുരക്ഷാ വകുപ്പ് ക്യാന്സറുണ്ടാക്കുന്ന രാസവസ്തുവിന്റെ സാന്നിധ്യം കണ്ടെത്തിയത്.
