ജോൺസൺ ചെറിയാൻ.
നീലേശ്വരം: നിയന്ത്രണം വിട്ട കാർ റോഡരികിലെ ഓട്ടോ സ്റ്റാൻഡിലേക്കു പാഞ്ഞു കയറി.തലനാരിഴയ്ക്ക് വൻ അപകടം ഒഴിവായി. അപകടത്തിൽ പൂർണമായും ഭാഗികമായും 5 ഓട്ടോകൾ തകർന്നു.ഇന്നലെ രാവിലെ ഒൻപതരയോടെ ചായ്യോത്ത് ജിഎച്ച്എസ്എസിനു സമീപത്തെ ഓട്ടോ സ്റ്റാൻഡിലാണ് അപകടമുണ്ടായത്.
നിർത്തിയിട്ടിരുന്ന രാജു മുടുപ്പ, ദിനേശൻ, കെ.പി.അനിൽ, രഞ്ജിത്, രതീഷ് എന്നിവരുടെ ഓട്ടോകളാണു തകർന്നത്.ഡ്രൈവർക്കു പുറമെ ഒരു സ്ത്രീയും 2 കുട്ടികളും കാറിൽ ഉണ്ടായിരുന്നു. ഇവർക്കാർക്കും പരുക്കില്ല.സംഭവം നടക്കുമ്പോൾ ഇവിടെ ആരുമില്ലാതിരുന്നതിനാൽ വൻ അപകടം ഒഴിവായി.
