പ്രിഥ്വിരാജ് ചിത്രത്തിലൂടെ എ ആര്‍ റഹ്മാന്‍ വീണ്ടും മലയാളത്തിലേക്ക്.

ജോണ്‍സണ്‍ ചെറിയാന്‍.

ഓസ്കാര്‍ ജേതാവും പ്രശസ്ത സംഗീതസംവിധായകനുമായ എ ആര്‍ റഹ്മാന്‍ മലയാളത്തിലേക്ക് തിരിച്ചെത്തുന്നതായി റിപ്പോര്‍ട്ട്. പ്രിഥ്വിരാജ് നായകനാവുന്ന ബ്ലെസി സംവിധാനം ചെയ്യുന്ന ആടു ജീവിതം എന്ന ചിത്രത്തിലൂടെയാണ് റഹ്മാന്‍ തിരിച്ചത്തുന്നതെന്നാണ് റിപ്പോര്‍ട്ടുകള്‍. ഈ ചിത്രത്തിനുവേണ്ടി സംഗീതമൊരുക്കാന്‍ റഹ്മാന്‍ സമ്മതിച്ചതായും ഔദ്യോഗിക സ്ഥിരീകരണം ഉടനുണ്ടാകുമെന്നും സൂചനയുണ്ട്.

1992 ല്‍ സംഗീത് ശിവന്റെ സംവിധാനം ചെയ്ത മോഹന്‍ലാല്‍ ചിത്രമായ യോദ്ധയിലായിരുന്നു റഹ്മാന്റെ സംഗീതം മലയാളികള്‍ കേട്ടത്. ആ സിനിമയിലെ എല്ലാ പാട്ടുകളും വലിയ ഹിറ്റായി മറുകയും ചെയ്തിരുന്നു. ബിഗ് ബജറ്റില്‍ ഒരുങ്ങുന്ന ആടു ജീവിതത്തിന്റെ ഷൂട്ടിങ് അടുത്ത വര്‍ഷം തുടങ്ങുമെന്നാണ് വിവരം. പ്രശസ്ത എഴുത്തുകാരനായ ബെന്യാമിന്റെ നോവലാണ് അതേ പേരില്‍ തന്നെ സിനിമയാകുന്നത്