പുതിയ ലുക്കുമായി ജഡേജ, ചിരിയടക്കാനാകാതെ കോലി.

ജോണ്‍സണ്‍ ചെറിയാന്‍.

രാജ്കോട്ട്: ഐ.പി.എല്ലില്‍ റോയല്‍ ചലഞ്ചേഴ്സ് ബാംഗ്ലൂരിനെതിരായ മത്സരത്തില്‍ ഗുജറാത്ത് ലയണ്‍സിന്റെ ഓള്‍റൗണ്ടര്‍ രവീന്ദ്ര ജഡേജ ക്രീസിലെത്തിയത് പുതിയ ലുക്കിലാണ്. താടി കുറച്ച്‌ മീശ പിരിച്ചുവെച്ച്‌ രാജ്പുത് ലുക്കിലാണ് ജഡേജ കളിക്കാനിറങ്ങിയത്. മത്സരത്തിന് മുമ്ബ് തന്റെ രൂപമാറ്റത്തിന്റെ വീഡിയോ ജഡജേ ട്വിറ്ററില്‍ പങ്കുവെക്കുകയും ചെയ്തിരുന്നു.

മത്സരത്തില്‍ തിളങ്ങാനായില്ലെങ്കിലും ജഡേജയുടെ പുതിയ രൂപം എല്ലാവരുടയും ശ്രദ്ധ കവര്‍ന്നു. ഇതുമായി ബന്ധപ്പെട്ട ഒരു ചിത്രമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. റോയല്‍ ചലഞ്ചേഴ്സിന്റെ ക്യാപ്റ്റന്‍ വിരാട് കോലി ജഡേജയെ നോക്കി ചിരിക്കുന്നതാണ് ഫോട്ടോയിലുള്ളത്. തൊട്ടടുത്ത് പ്രവീണ്‍ കുമാറുമുണ്ട്.