ധ്യാന്‍ ശ്രീനിവാസന്‍ വിവാഹിതനാകുന്നു.

ജോണ്‍സണ്‍ ചെറിയാന്‍.

ധ്യാന്‍ ശ്രീനിവാസന്‍ വിവാഹിതനാകുന്നു. ഏപ്രില്‍ ഏഴിന് കണ്ണൂരില്‍ വച്ചാണ് വിവാഹം. തിരുവനന്തപുരം ടെക്നോപാര്‍ക്കില്‍ ജോലി ചെയ്യുന്ന അര്‍പ്പിതയാണ് വധു. സിനിമാസുഹൃത്തുക്കള്‍ക്കായി ഏപ്രില്‍ 10ന് എറണാകുളത്ത് വിരുന്നും ഒരുക്കിയിട്ടുണ്ട്.

ധ്യാന്‍ ഈ വര്‍ഷം വിവാഹിതനാകുന്നുവെന്നാണ് സോഷ്യല്‍മീഡിയയിലെ പുതിയ ചര്‍ച്ചാവിഷയം. കഴിഞ്ഞ ദിവസം നടി നമിത പ്രമോദ് ആണ് ധ്യാനിന്റെ വധുവെന്ന പേരില്‍ ചില ഓണ്‍ലൈന്‍ മാധ്യമങ്ങള്‍ വാര്‍ത്ത നല്‍കുകയുണ്ടായി.

ഇതോടെ സംഭവം ഫേസ്ബുക്കിലും വാട്സാപ്പിലും വൈറലായി മാറി. എന്നാല്‍ ഈ വിഷയത്തില്‍ നമിതയുമായി ബന്ധപ്പെട്ട് വരുന്ന വാര്‍ത്തകളില്‍ യാതൊരു അടിസ്ഥാനവുമില്ലെന്ന് നമിതയുടെ അച്ഛന്‍ പ്രതികരിച്ചു.

‘ധ്യാന്‍ മറ്റൊരു കുട്ടിയെയാണ് വിവാഹം ചെയ്യുന്നത്. നമിതയുടെ പേര് ഇതില്‍ എങ്ങനെയാണ് വന്നതെന്ന് അറിയില്ല. ഇതിന് മുമ്ബും ഇതുപോലെ വാര്‍ത്തകള്‍ പ്രചരിച്ചിരുന്നു.’ നമിതയുടെ അച്ഛന്‍ പറഞ്ഞു.