ട്രെയിൻ റാഞ്ചലിൽ എത്തിനിൽക്കുന്ന ബലൂചിൻ്റെ ചോര മണമുള്ള ചരിത്രം.

ജോൺസൺ ചെറിയാൻ .

പാക്കിസ്ഥാനിൽ തീവ്രവാദികൾ ട്രെയിൻ റാഞ്ചിയ സംഭവം നടന്നത് കഴിഞ്ഞ ദിവസമാണ്. പാക്കിസ്ഥാനിലെ ഖ്വെത്ത മേഖലയിലെ പർവത പ്രദേശത്ത് വച്ചാണ് ഒൻപത് കോച്ചുകളുള്ള ജാഫർ എക്സ്പ്രസ് ട്രെയിൻ റാഞ്ചിയത്. പെഷവാറിൽ നിന്ന് ഖ്വെത്തയിലേക്ക് പോവുകയായിരുന്ന ട്രെയിൻ റാഞ്ചിയത് തങ്ങളെന്ന് പ്രഖ്യാപിച്ച് രംഗത്ത് വന്നതാകട്ടെ ബലൂചിസ്ഥാൻ ലിബറേഷൻ ആർമിയും. 182 യാത്രക്കാരെ ബന്ദികളാക്കിയ ബിഎൽഎ സംഘം 20 സൈനികരെ വധിച്ചുവെന്നും ഒരു സൈനിക ഡ്രോൺ വെടിവച്ചിട്ടുവെന്നും വ്യക്തമാക്കിയിരുന്നു.