ജോൺസൺ ചെറിയാൻ.
തെക്കൻ ലെബനനിൽ മുനിസിപ്പൽ ആസ്ഥാനത്തിന് നേരെ ഇസ്രയേൽ നടത്തിയ വ്യോമാക്രമണത്തിൽ മേയറടക്കം അഞ്ച് പേർ കൊല്ലപ്പെട്ടതായി വിവരം. നബതിയ നഗരത്തിൽ ബുധനാഴ്ചയാണ് ആക്രമണം നടന്നത്.ഇതോടെ മേഖലയിൽ ഇസ്രയേൽ ആക്രമണം വ്യാപിപ്പിക്കുകയാണെന്ന ആശങ്ക ഉയർന്നിട്ടുണ്ട്. ഇറാൻ്റെ പിന്തുണയോടെ പ്രവർത്തിക്കുന്ന ഹിസ്ബുല്ലയെ പൂർണമായും തകർക്കാനാണ് ഇസ്രയേലിൻ്റെ ശ്രമം. അതിനാൽ തന്നെ സർക്കാർ ഓഫീസുകളും കെട്ടിടങ്ങളും കേന്ദ്രീകരിച്ച് ഇസ്രയേൽ ആക്രമണം തുടങ്ങിയതിനെ ഭീതിയോടെയാണ് ലെബനനിലെ സാധാരണക്കാർ നോക്കിക്കാണുന്നത്.
