ജോൺസൺ ചെറിയാൻ.
പ്രധാനമന്ത്രി നരേന്ദ്രമോദിയുടെ ഉക്രൈന്‍ സന്ദര്‍ശനത്തിന്റെ പ്രത്യേകതകളും പ്രാധാന്യവും പലതരത്തില്‍ ചര്‍ച്ച ചെയ്യപ്പെടുന്നുണ്ട്. ഇതില്‍ നിലവില്‍ ഏറെ ശ്രദ്ധനേടുന്നത് പോളണ്ടില്‍ നിന്ന് ഉക്രൈനിലേക്കുള്ള മോദിയുടെ ട്രെയിന്‍ യാത്രയാണ്. പ്രധാനമന്ത്രിയായതിനു ശേഷം പല രാജ്യങ്ങള്‍ സന്ദര്‍ശിച്ചിട്ടുണ്ടെങ്കിലും ഇത്രയുമധികം സമയം അദ്ദേഹം ട്രെയിനില്‍ യാത്ര ചെയ്യുന്നത് ആദ്യമായിരിക്കും. പോളണ്ടില്‍ നിന്നും 10 മണിക്കൂര്‍ റെയില്‍ ഫോഴ്‌സ് വണ്‍ എന്ന ട്രെയിനില്‍ സഞ്ചരിച്ചാണ് മോദി ഉക്രൈന്‍ തലസ്ഥാനമായ കീവില്‍ എത്തിച്ചേര്‍ന്നത്. 2023 ഫെബ്രുവരിയില്‍ അമേരിക്കന്‍ പ്രസിഡന്റ് ജോ ബൈഡന്‍ സഞ്ചരിച്ച അതേ ട്രെയിന്‍.
