ജോൺസൺ ചെറിയാൻ .
തമിഴ്നാട് മന്ത്രി ഉദയനിധി സ്റ്റാലിന്റെ സനാതന ധര്മ പരാമര്ശത്തില് ഇന്ത്യാ മുന്നണിയിലും ഭിന്നത. ഉദയനിധി സ്റ്റാലിന്റെ പ്രസ്താവന പരസ്യമായി തള്ളണമെന്ന് ആവശ്യപ്പെട്ട് മുതിര്ന്ന കോണ്ഗ്രസ് നേതാവ് കമല്നാഥ് രംഗത്തെത്തി. കമല്നാഥിന്റെ പ്രസ്താവന മധ്യപ്രദേശ് തെരഞ്ഞെടുപ്പ് മുന്നിര്ത്തിയാണെന്നാണ് വിലയിരുത്തല്. ഉദയനിധിയുടെ പരാമര്ശത്തിനെതിരെ ഹിന്ദു സംഘടനകളുടെ പ്രതിഷേധം ഇപ്പോഴും തുടരുന്നതിനിടെയാണ് വിവാദത്തില് ഇന്ത്യാസഖ്യത്തില് നിന്നും എതിര്സ്വരങ്ങള് ഉയരുന്നത്.
