ജോൺസൺ ചെറിയാൻ.
പ്രത്യേകം ക്ഷണിക്കപ്പെട്ടവരുടെ കൂട്ടത്തിൽ ഇടംപിടിച്ചിരിക്കുകയാണ് ഒരു മലയാളി കുടുംബം. ആദ്യം കാമില പാർക്കർ ബൗൾസിൻറെയും പിന്നീട് ചാൾസിന്റെയും ഇഷ്ട ഡോക്ടറായിത്തീർന്ന വയനാട് സ്വദേശിയായ ഡോ. സ്വദേശിയായ ഡോ. ഐസക് മത്തായി നൂറനാലിനും ഡോ. സുജ ഐസക്കിനും ഈ ക്ഷണക്കത്ത് ലഭിക്കാൻ വർഷങ്ങളായുള്ള അടുപ്പം കൂടി കാരണമാണ്.
ബ്രിട്ടിഷ് ഐതിഹ്യങ്ങളിൽ വസന്തത്തിൻറെയും പുതുജീവന്റെയും പ്രതിരൂപമായ ‘ഗ്രീൻമാൻ’ കേന്ദ്രബിന്ദുവാക്കിയുള അപൂർവ ക്ഷണപത്രം. വെസ്റ്റ്മിൻസ്റ്റർ ആബിയിൽ ശനിയാഴ്ച നടക്കുന്ന ചാൾസ് രാജാവിന്റെ കിരീടധാരണച്ചടങ്ങിൽ പങ്കെടുക്കുന്നത് ഈ ക്ഷണപത്രം ലഭിച്ച 2000 വിശിഷ്ടാതിഥികളാണ്. ക്ഷണിക്കപ്പെട്ടവർ മാത്രല്ല, ചാൾസ് മൂന്നാമൻ രാജാവും കാമില രാജ്ഞിയും അധികാരമേൽക്കുന്ന ചടങ്ങിലേക്കുള്ള ക്ഷണപത്രം പോലും അതുല്യമാണ്.നൂറ്റാണ്ടിൽ ഒന്ന് എന്ന് ഇപ്പോൾ വിശേഷിപ്പിക്കാവുന്ന അധികാരമേൽക്കൽച്ചടങ്ങിൽ പങ്കെടുക്കുന്ന 100 പേർ രാഷ്ട്രമേധാവികളാണ്.
