മിന്നാമിനുങ്ങിനെക്കുറിച്ച്‌ സുരഭി ലക്ഷ്മി ഫേസ്ബുക്കില്‍ ലൈവായി; പരിഹസിച്ചയാള്‍ക്ക് നടിയുടെ ചുട്ട മറുപടി.

ജോണ്‍സണ്‍ ചെറിയാന്‍.

കൊച്ചി: നടി സുരഭി ലക്ഷ്മിക്ക് ദേശീയ അവാര്‍ഡ് നേടിക്കൊടുത്ത മിന്നാമിനുങ്ങ് എന്ന ചിത്രം കഴിഞ്ഞ ദിവസം തിയേറ്ററുകളില്‍ എത്തി. സിനിമയുടെ റിലീസിനോട് അനുബന്ധിച്ച്‌ നടി ഫേസ്ബുക്ക് ലൈവില്‍ എത്തിയിരുന്നു. സിനിമാവിേശഷങ്ങള്‍ പങ്കുവക്കുന്നതിനും പ്രോത്സാഹാനവും തേടിയാണ് നടി ഫേസ്ബുക്കില്‍ എത്തിയത്.
ഇഷ്ടതാരത്തിന് ആശംസകള്‍ നേര്‍ന്നാണ് ഭൂരിഭാഗം പേരും കമന്റിട്ടത്. എന്നാല്‍ ഇതിനിടെ സുരഭിയെ പരിഹസിച്ചുകൊണ്ട് ഒരു കമന്റ് വന്നു. ദേശീയ പുരസ്കാരം നേടിയ നടിയല്ലേ.. ഇങ്ങനെ വളിഞ്ഞ ലൈവ് വരുന്നത് നിര്‍ത്തിക്കൂടെ’ എന്നായിരുന്നു കമന്റ്. ഉടന്‍ തന്നെ സുരഭിയുടെ മറുപടി എത്തി. ‘ഇത് നിനക്ക് വളിഞ്ഞതായി തോന്നുന്നുണ്ടെങ്കില്‍ നീയങ്ങ് പൊക്കോളിന്‍. ഞാന്‍ ബാക്കിയുള്ളവരോട് സംസാരിക്കട്ടെ’ എന്നായിരുന്നു നടിയുടെ മറുപടി.