വെളിച്ചം ദൂരെ മിഴിയടയ്ക്കുന്നു. (കവിത)

നിഷ ഉണ്ണി. (Street Light fb group)

ഈ കരിങ്കല്‍കോട്ടയിലെ
അന്ധകാരത്തില്‍ വെളിച്ചം
പേറി വന്നൂ മിന്നാമിന്നികള്‍..

അങ്ങ് ആകാശധാരയിലെ
നക്ഷത്രങ്ങളെ പോലെ
വിസ്മയക്കാഴ്ചകളേകി..

സ്വയം എരിഞ്ഞില്ലാതെയാകും
മിന്നാമിന്നി ,

അരികെ അന്ധകാരം
ഗൂഢമായി ചിരിക്കുന്നു.

ചുറ്റിപ്പിണഞ്ഞു ശ്വാസം
എടുക്കാനാവാതെ..

ദീനമാം നോട്ടം അരികിലെവിടയോ
വീണു പിടയുന്നു..
അവ എവിടേയ്ക്കോ മറഞ്ഞിരിക്കുന്നു..

കണ്ണില്‍ നിറയുന്ന അന്ധകാരത്തില്‍
ഉളളം കശക്കുന്നൊരലര്‍ച്ച..

ഇനിയുമൊരു വെളിച്ചത്തിന്‍
പ്രതീക്ഷ, അടിവേരറുത്തു വിഴുന്നു..