കനവുകള്‍ക്കു ജീവനുണ്ടെന്നും
അവ പുഞ്ചിരിക്കുമെന്നും
സ്വപ്നത്തില്‍ വന്നൊരു കുഞ്ഞു കനവ്‌
പണ്ട് പറയാതെ പറഞ്ഞിരുന്നു
പൊഴിഞ്ഞ പൂവിന്റെ
ഉള്ളിലെക്കനവ്‌
ചെടിയോടു ചോദിക്കു
ചെടിക്കുമാത്രം
ഇഴപിരിച്ച് എടുക്കാനാവുന്ന
ഒന്നാവുമത്
പൊഴിയാതെ നില്ക്കുന്ന
പൂവുകളുടെ കനവിനോട്
പൊഴിഞ്ഞ പൂവിന്റെ കനവ്‌
പലപ്പോഴും
കൂട്ടി മുട്ടാറുണ്ട്
അവർക്ക് മാത്രം അറിയുന്ന
രഹസ്യങ്ങൾ
പങ്കുവെക്കുമ്പോൾ
കാറ്റ് അതിൽക്കുറച്ച് മോഷ്ടിച്ച്
നാസികയെ മോഹിപ്പിക്കും
അതാണത്രേ പൂവിന്റെ
സുഗന്ധം
Comments
comments
 ജ്യോതി രാജീവ്){kind=link}