ജോൺസൺ ചെറിയാൻ.
പ്രസിഡന്റ് ബാഷർ അൽ അസദിന്റെ പുറത്താകലിന് പിന്നാലെ ഡമാസ്കസിന്റെ തെരുവുകളിൽ ആഘോഷങ്ങളും ആർപ്പുവിളികളും നിറയുമ്പോൾ, സിറിയക്ക് പുറത്ത്, ഏറെ ദൂരെയുള്ള ദില്ലിയിൽ അതല്ല സ്ഥിതി. സിറിയ എന്ന അറബ് രാജ്യത്തെ അധികാരമാറ്റം ഡൽഹിയിലെ അധികാര ഇടനാഴികളിൽ ആശങ്കയുടെ കരിനിഴൽ വീഴ്ത്തിയിട്ടുണ്ട്. നീണ്ട 54 വർഷം അധികാരത്തിലിരുന്ന അസദ് കുടുംബത്തിൻ്റെ വാഴ്ച അവസാനിക്കുമ്പോൾ, ഇന്ത്യയ്ക്ക് നഷ്ടമായത് സിറിയ എന്ന ആത്മസുഹൃത്തിനെയാണ്. ഇനി സിറിയയുടെ ഇന്ത്യ നിലപാടിൽ എന്ത് മാറ്റമുണ്ടാകുമെന്ന് ലോകരാജ്യങ്ങളും ഉറ്റുനോക്കുന്നുണ്ട്.
