ജോൺസൺ ചെറിയാൻ.
തൃശൂർ : പൂരത്തിനു വിളംബരം അറിയിച്ച് ഇന്നു വടക്കുന്നാഥ ക്ഷേത്രത്തിന്റെ തെക്കേ ഗോപുരനട തുറക്കും.നാളെ തൃശൂർ പൂരം. പൂരത്തിനു കാത്തുവച്ചിരിക്കുന്ന വർണ വിസ്മയങ്ങളുടെ രഹസ്യങ്ങൾ വെളിപ്പെടുത്താതെ ഇരു ദേശങ്ങളുടെയും സാംപിൾ വെടിക്കെട്ട് ഇന്നലെ വൈകിട്ട് നടന്നു. തിരുവമ്പാടിയുടെ സാംപിൾ മൂന്നു മിനിറ്റും പാറമേക്കാവിന്റേത് 6 മിനിറ്റും ആയിരുന്നു. മാനത്തു വിരിഞ്ഞ മാരിവില്ലുകൾ ജനം മനസ്സിൽ നിറച്ചു. ഇനി മൂന്നു നാൾ തൃശൂരിനു പൂരം. നെയ്തലക്കാവിലമ്മയുടെ തിടമ്പേന്തി വടക്കുന്നാഥ ക്ഷേത്രത്തിലേക്ക് എഴുന്നള്ളുന്ന എറണാകുളം ശിവകുമാറാണ് ഇന്നു രാവിലെ 11.30ന് തെക്കേ ഗോപുരനട തുറക്കുക.