ജോയിച്ചന്‍ പുതുക്കുളം.
ചിക്കാഗോ : ചിക്കാഗോയിലും പരിസര പ്രദേശങ്ങളിലുമായി പടര്‍ന്നു കിടക്കുന്ന കരിങ്കുന്നം നിവാസികളുടെ സംഗമം 2017 ജൂലൈ 15 ശനിയാഴ്ച രാവിലെ 11 മണി മുതല്‍ Desplaines epÅ (92 BENDER RD, DESPLAINES IL 60016) വച്ച് നടത്തുവാന്‍ തീരുമാനിക്കുകയുണ്ടായി. ഈ കൂട്ടായ്മയുടെ ഭാഗമായി ജൂലൈ 1 ന് സജി മുല്ലപ്പള്ളിയുടെ ഭവനത്തില്‍ വച്ച് ചിക്കാഗോ കരിങ്കുന്നം നിവാസികളുടെ ഒരു സൗഹൃദ കൂട്ടായ്മ നടക്കുകയുണ്ടായി. ആ കൂട്ടായ്മയില്‍ 2017 ജൂലൈ 15 ന് നടക്കാന്‍ പോകുന്ന ചിക്കാഗോ കരിങ്കുന്നം സംഗമത്തിന്റെ ഒരുക്കങ്ങള്‍ പൂര്‍ത്തിയായതായി ഈ കൂട്ടായ്മയുടെ കണ്‍വീനേഴ്‌സ് ആയ സാജന്‍ ഉറുമ്പില്‍, ബിജോയി നടുപ്പറമ്പില്‍, ജെയിംസ് പാട്ടപ്പതിയില്‍ എന്നിവര്‍ സംയുക്തമായി പറഞ്ഞു.
ഹ്രസ്വസന്ദര്‍ശനത്തിനായി ചിക്കാഗോയില്‍ എത്തിയ കരിങ്കുന്നം നിവാസിയായ ഫെല്ക്‌സ് തോട്ടുങ്കലിന് ഈ കൂട്ടായ്മയില്‍ വച്ച് ഊഷ്മളമായ സ്വീകരണം നല്‍കി.
കരിങ്കുന്നം നിവാസിയും ഇടുക്കി ജില്ലാ പഞ്ചായത്ത് വൈസ് പ്രസിഡന്റുമായ തമ്പി മാനുങ്കല്‍ ഈ സംഗമത്തില്‍ പങ്കെടുക്കുമെന്ന് സന്തോഷപൂര്‍വ്വം അറിയിച്ചിട്ടുണ്ട്.
ഗൃഹാതുരത്വത്തിന്റെ നല്ല ഓര്‍മ്മകള്‍ പങ്കിടാനും സുഹൃദ്ബന്ധങ്ങള്‍ പുതുക്കുന്നതിനും അമേരിക്കയിലെ എല്ലാ കരിങ്കുന്നം നിവാസികളെയും കരിങ്കുന്നത്തു നിന്ന് വിവാഹം കഴിച്ചു വിട്ടവരെയും അവരുടെ കുടുംബാംഗങ്ങളെയും ക്ഷണിക്കുന്നതായി സംഘാടകര്‍ അറിയിച്ചു.മാത്യു തട്ടാമറ്റം അറിയിച്ചതാണിത്.
