പി പി ചെറിയാൻ.
ശിക്ഷ: 1980-കളിൽ 12 വയസ്സുകാരിയെ പീഡിപ്പിച്ചതുമായി ബന്ധപ്പെട്ട അഞ്ച് കുറ്റങ്ങളിൽ മോറിസ് കുറ്റസമ്മതം നടത്തിയിരുന്നു. ആറുമാസത്തെ തടവിനു പുറമെ, 10 വർഷത്തെ സസ്പെൻഡഡ് സെന്റൻസും കോടതി വിധിച്ചിട്ടുണ്ട്.
ജയിൽ മോചിതനായ മോറിസ് ഇനി ‘സെക്സ് ഒഫൻഡർ’ (ലൈംഗിക കുറ്റവാളി) ആയി രജിസ്റ്റർ ചെയ്യണം. അടുത്ത 10 വർഷം അദ്ദേഹം കർശനമായ പ്രൊബേഷൻ നിരീക്ഷണത്തിലായിരിക്കും.
സൗത്ത്ലേക്കിലെ പ്രമുഖ മെഗാ ചർച്ച് പാസ്റ്ററായിരുന്ന മോറിസ്, സിണ്ടി ക്ലെമിഷയർ എന്ന പെൺകുട്ടിയെ നാലര വർഷത്തോളം പീഡിപ്പിച്ചതായാണ് കേസ്. താൻ 20-കളിൽ ആയിരുന്നപ്പോൾ ഒരു പെൺകുട്ടിയുമായി “അവിഹിത ബന്ധം” ഉണ്ടായിരുന്നുവെന്ന് അദ്ദേഹം നേരത്തെ സമ്മതിച്ചിരുന്നു.
തിങ്കളാഴ്ച പിഴയടച്ചതിനെത്തുടർന്നാണ് ഒസേജ് കൗണ്ടി ജയിലിൽ നിന്ന് അദ്ദേഹത്തെ മോചിപ്പിച്ചത്. കേസിനെത്തുടർന്ന് അദ്ദേഹം നേരത്തെ തന്നെ സഭാ ചുമതലകളിൽ നിന്ന് രാജി വെച്ചിരുന്നു.
