ഫ്രറ്റേണിറ്റി.
മലപ്പുറം:മംഗളുരുവിൽ അഷ്റഫിനെതിരെ നടന്നത് ഹിന്ദുത്വ വംശീയതയുടെ ആൾക്കൂട്ട കൊലപാതകം തന്നെയാണെന്ന് ഫ്രറ്റേണിറ്റി ജില്ലാ പ്രസിഡന്റ് വി.ടി.എസ് ഉമർ തങ്ങൾ പറഞ്ഞു.
കൊല്ലപ്പെട്ട അഷ്റഫിന്റെ കുടുംബാംഗങ്ങളെ സന്ദർശിച്ചശേഷം ആക്ഷൻ കൗൺസിൽ യോഗത്തിൽ സംസാരിക്കുകയായിരുന്നു അദ്ദേഹം.
ദക്ഷിണ കന്നഡ കേന്ദ്രീകരിച്ച് ആർഎസ്എസ് ഗുണ്ടാ സംഘങ്ങൾ കോപ്പുകൂട്ടി കൊണ്ടിരിക്കുന്ന കലാപശ്രമങ്ങൾക്കെതിരെ കർണാടക സർക്കാർ ശക്തമായ നടപടികൾ സ്വീകരിക്കണം,
നീതിപൂർവകമായ അന്വേഷണത്തിനും പ്രതികൾക്ക് അർഹമായ ശിക്ഷ ഉറപ്പുവരുത്തുന്നതിനും കേരള സർക്കാർ സമ്മർദ്ദം ചെലുത്തുകയും അനുയോജ്യമായ ഇടപെടലുകൾ നടത്തുകയും വേണമെന്നും ഫ്രറ്റേണിറ്റി ജില്ലാ നേതാക്കൾ അഭിപ്രായപ്പെട്ടു.
രാജ്യത്ത് വർദ്ധിച്ച് വരുന്ന വംശഹത്യാ പദ്ധതികൾക്കെതിരെ വ്യാപകമായ പ്രതിഷേധങ്ങൾ ഉയർന്ന് വരണമെന്നും നേതാക്കൾ പറഞ്ഞു.
ജില്ലാ സെക്രട്ടറി റമീസ് ചാത്തല്ലൂർ, ജില്ലാ സെക്രട്ടറിയേറ്റംഗം ഷാറൂൻ അഹമ്മദ്‌, അജ്മൽ തോട്ടോളി, അൻഷദ് രണ്ടത്താണി എന്നിവർസംബന്ധിച്ചു.
ഫോട്ടോ അടിക്കുറിപ്പ്:ആക്ഷൻ കൗൺസിൽ യോഗത്തിൽ ഫ്രറ്റേണിറ്റി മൂവ് മെന്റ് മലപ്പുറം ജില്ലാ പ്രസിഡന്റ് വി ടി എസ് ഉമർ തങ്ങൾ സംസാരിക്കുന്നു.
