ജോൺസൺ ചെറിയാൻ.
കാസർഗോഡ് നീലേശ്വരത്തെ വെടിക്കെട്ട് അപകടത്തിൽ എട്ടു പേരുടെ നില ഗുരുതരം. അപകടത്തിൽ പൊട്ടിത്തെറിയിൽ പൊള്ളലേറ്റവരും പരിഭ്രാന്തരായി ഓടിയവരിൽ വീണ് പരുക്കേറ്റവരും ആശുപത്രയിൽ ചികിത്സ തേടിയിട്ടുണ്ട്. കുട്ടികൾക്ക് ഉൾപ്പെടെ പരുക്കേറ്റിട്ടുണ്ട്. രണ്ട് ദിവസം തെയ്യം ഉത്സവമാണ് അഞ്ഞൂറ്റമ്പലം വീരർകാവിൽ നടക്കുന്നത്. മലബാറിൽ തെയ്യക്കെട്ടുകളുടെ സമാരംഭം കുറിക്കുന്ന തെയ്യം ആയതുകൊണ്ട് കാസർഗോഡിന്റെ നാനഭാഗത്ത് വിശ്വാസികൾ ക്ഷേത്രത്തിൽ എത്തിയിരുന്നു.
