ജോൺസൺ ചെറിയാൻ.
കേന്ദ്ര സർക്കാർ ജീവനക്കാരുടെ പെൻഷൻ പദ്ധതിയിൽ മാറ്റം വരുത്തിക്കൊണ്ടുള്ള തീരുമാനത്തിൽ കേന്ദ്ര മന്ത്രിസഭാ യോഗം അംഗീകാരം നൽകിയിട്ട് അധികം ദിവസമായിട്ടില്ല. 2025 ഏപ്രിൽ ഒന്ന് മുതൽ നടപ്പിലാക്കപ്പെടുന്ന ഏകീകൃത പെൻഷൻ പദ്ധതിയുടെ ഗുണഫലം 23 ലക്ഷം വരുന്ന കേന്ദ്ര സർക്കാർ ജീവനക്കാർക്ക് ലഭിക്കും. നിലവിൽ നാഷണൽ പെൻഷൻ സ്കീമിൻ്റെ ഭാഗമായ കേന്ദ്ര സർക്കാർ ജീവനക്കാർക്ക് ഏകീകൃത പെൻഷൻ പദ്ധതിയിലേക്ക് മാറാൻ ഒറ്റത്തവണ അവസരം ലഭിക്കും. തങ്ങൾ നടപ്പാക്കുന്ന പുതിയ പദ്ധതി സംസ്ഥാനങ്ങൾക്കും നടപ്പാക്കാമെന്നാണ് കേന്ദ്രസർക്കാർ നിർദ്ദേശിച്ചിരിക്കുന്നത്.
