പി പി ചെറിയാൻ.
ഫോർട്ട് വർത്ത് :തിങ്കളാഴ്ച പുലർച്ചെ ഫോർട്ട് വർത്ത് അന്തർസംസ്ഥാന എക്സിറ്റ് റാംപിൽ 18 വീലർ അപകടത്തിൽപ്പെട്ട് തീപിടിത്തമുണ്ടായ സ്ഥലത്ത് തൻ്റെ വാഹനത്തിന് പുറത്ത് നിന്നിരുന്ന പോലീസ് സര്ജന്റ്
മ ദ്യപിച്ചെത്തിയ ഒരു സ്ത്രീയുടെ വാഹനമിടിച്ചു കൊല്ലപ്പെട്ടതായി അധികൃതർ പറഞ്ഞു. സമീപത്തുണ്ടായിരുന്ന ചിലരുടെ സഹായത്തോടെ 18 വീലർ ഡ്രൈവർ നിസാര പരിക്കുകളോടെ വാഹനത്തിൽ നിന്ന് പുറത്തിറങ്ങി.
ഇന്ധനം ചോർന്ന സംഭവസ്ഥലത്ത് നിന്നിരുന്ന ഫോർട്ട് വർത്ത് പോലീസ് സർജൻ്റ് ബില്ലി റാൻഡോൾഫിൻ്റെ മരണത്തിന് ഉത്തരവാദി മദ്യപിച്ച തെറ്റായ ഡ്രൈവർ ആണെന്ന് ഡിപ്പാർട്ട്മെൻ്റ് തിങ്കളാഴ്ച ഉച്ചകഴിഞ്ഞ് പ്രഖ്യാപിച്ചു.ഡി ഔജാലെ ഇവാൻസ് എന്ന 25 കാരി ഡ്രൈവറാണെന്ന് ഫോർട്ട് വർത്ത് പോലീസ് പിന്നീട്‌ തിരിച്ചറിഞ്ഞു.
ഒരു സമാധാന ഉദ്യോഗസ്ഥൻ്റെയോ അഗ്നിശമന സേനാംഗത്തിൻ്റെയോ മരണത്തിന് കാരണമായ ലഹരി നരഹത്യയാണ് ഇവാൻസിനെതിരെ ചുമത്തിയിരിക്കുന്നത്. അവർ പോലീസ് കസ്റ്റഡിയിൽ തുടരുകയും $750,000 ബോണ്ടിൽ ടാരൻ്റ് കൗണ്ടി ജയിലിൽ അടയ്ക്കുകയും ചെയ്തു
റാൻഡോൾഫ് 29 വർഷക്കാലം ഫോർട്ട് വർത് പോലീസ് ഡിപ്പാർട്മെന്റിൽ സേവനമനുഷ്ഠിച്ചു, അടുത്തിടെ സൗത്ത് പട്രോളിലേക്ക് നിയമിച്ചു. 24 വർഷമായി ഡിപ്പാർട്ട്‌മെൻ്റിൽ തുടരുന്ന ഫോർട്ട് വർത്ത് പോലീസ് ചീഫ് നീൽ നോക്‌സ് പറഞ്ഞു, പ്രത്യേകിച്ച് അപകടങ്ങൾ ഉണ്ടാകുമ്പോൾ കൂടുതൽ ഡ്രൈവർമാർ റോഡിൽ ശ്രദ്ധിക്കണമെന്ന് താൻ ആഗ്രഹിക്കുന്നുവെന്നും നോക്‌സ് പറഞ്ഞു.
