ജോൺസൺ ചെറിയാൻ.
താൻ എല്ലാവരേക്കാളും മുകളിലാണെന്ന് ഹൈക്കോടതിയിൽ സംഗീതസംവിധായകൻ ഇളയരാജ. എക്കൊ റെക്കോർഡിങ് കമ്പനിയുടെ അപ്പീലിനെതിരെയാണ് ഇളയരാജയുടെ വക്കീൽ സതീഷ് പ്രസാരൺ ഇത്തരമൊരു പരാമർശം നടത്തിയത്. കോപ്പിറൈറ്റ് ആക്ട് 1957 സെക്ഷൻ 57 പ്രകാരം 2019ൽ 1000 സിനിമകളിലായി ഇളയരാജ ചിട്ടപ്പെടുത്തിയ 4500 ഗാനങ്ങൾക്ക് മദ്രാസ് ഹൈക്കോടതി ഏകാംഗ ബെഞ്ച് അദ്ദേഹത്തിന് പ്രത്യേക ധാർമ്മിക അവകാശങ്ങൾ അനുവദിച്ചു നൽകിയിരുന്നു. ഈ ഉത്തരവിനെതിരെയാണ് എക്കൊ റെക്കോഡിങ് കമ്പനി അപ്പീൽ നൽകിയത്. “ഞാൻ അഹങ്കാരിയാണെന്ന് നിങ്ങൾക്ക് തോന്നാം… ഞാൻ തീർച്ചയായും ദൈവത്തിന് മുകളിലല്ല, അവനു താഴെയാണ്, ഞാൻ എല്ലാവരിലും മുകളിലാണ്” എന്നാണ് വക്കീൽ കോടതിയിൽ പറഞ്ഞത്.
