പി പി ചെറിയാൻ.
പെയർലാൻഡ് :ഹൂസ്റ്റൺ ഫ്ലീ മാർക്കറ്റിൽ ഞായറാഴ്ച രാത്രിയിലുണ്ടായ വെടിവയ്പിൽ പ്രായപൂർത്തിയാകാത്ത കുട്ടി മരിക്കുകയും , 4 പേർക്ക് പരികേറ്റതായും തോക്കുധാരിയെ പിടികൂടാനായിലെന്നും പോലീസ് വക്താവ് ചാഡ് റോജേഴ്‌സ് വൈകുന്നേരം വാർത്താ സമ്മേളനത്തിൽ പറഞ്ഞു
വെടിയേറ്റ മൂന്ന് മുതിർന്നവർ പ്രായപൂർത്തിയാകാത്ത ഒരാൾ എന്നിവർ ഉൾപ്പെടെ നാല് പേരെ ആശുപത്രിയിൽ പ്രവേശിപ്പിച്ചിട്ടുണ്ട് . അവരുടെ കൂടുതൽ വിവരങ്ങൾ ലഭ്യമല്ല. ഹൂസ്റ്റണിൽ നിന്ന് 21 മൈൽ അകലെയുള്ള പെയർലാൻഡിലാണ് ആക്രമണം നടന്നത്.
ഹൂസ്റ്റൺ പോലീസും ഹാരിസ് കൗണ്ടി അധികൃതരും പെയർലാൻഡ് പോലീസിന്റെ അന്വേഷണത്തിലും സംശയമുള്ളവരെ തിരയുന്നതിലും സഹായിക്കുന്നു.സംശയാസ്പദമായ വിവരണമോ സാധ്യമായ വാഹന വിവരങ്ങളോ ഉടനടി ലഭ്യമല്ല.ഊർജിത അന്വേഷണം നടക്കുന്നെണ്ടും വെടിവച്ചയാളോ വെടിവച്ചവരോ ഒളിവിലാണെന്നും പെയർലാൻഡ് പോലീസ് പ്രസ്താവനയിൽ പറഞ്ഞു.
ലൊക്കേഷനിൽ രണ്ടുപേർ തമ്മിലുള്ള പ്രശ്‌നങ്ങളുടെ ഫലമാണ് വെടിവയ്പ്പെന്നും യാദൃശ്ചികമല്ലെന്നും റോജേഴ്‌സ് പറഞ്ഞു. രണ്ട് ഷൂട്ടർമാർ ഉണ്ടായിരുന്നിരിക്കാൻ സാധ്യതയുണ്ട്, അദ്ദേഹം കൂട്ടിച്ചേർത്തു .
