ആർമി ഹെലികോപ്റ്ററുകൾ കൂട്ടിയിടിച്ച് മൂന്ന് സൈനികർ മരിച്ചു.

പി പി ചെറിയാൻ.

അലാസ്ക:അലാസ്കയിലെ ഹീലിക്ക് സമീപം സൈനിക പരിശീലന കഴിഞ്ഞു  മടങ്ങുകയായിരുന്ന രണ്ട് എഎച്ച്-64 അപ്പാച്ചെ ഹെലികോപ്റ്ററുകൾ വ്യാഴാഴ്ച കൂട്ടിയിടിച്ച് മൂന്ന് സൈനികർ കൊല്ലപ്പെടുകയും മറ്റൊരാൾക്ക് പരിക്കേൽക്കുകയും ചെയ്തതായി യുഎസ് ആർമി അധികൃതർ അറിയിച്ചു.
ഫോർട്ട് വെയ്ൻ‌റൈറ്റിന്റെ തെക്ക് 100 മൈൽ അകലെയാണ് അപകടമുണ്ടായത്,

രണ്ട് സൈനികർ സംഭവസ്ഥലത്തും മൂന്നാമത്തേത് ആശുപത്രിയിലേക്ക് കൊണ്ടുപോകുന്നതിനിടയിലും മരിച്ചുവെന്ന് യുഎസ് ആർമിയുടെ 11-ാമത് എയർബോൺ ഡിവിഷനിൽ നിന്നുള്ള അറിയിപ്പ് പറയുന്നു.

മരിച്ചവരുടെ പേരുവിവരങ്ങൾ അവരുടെ കുടുംബാംഗങ്ങളെ അറിയിച്ചതിന് ശേഷം 24 മണിക്കൂർ വരെ മറച്ചുവെക്കുന്നതായി പ്രസ്താവനയിൽ പറയുന്നു.