അക്ഷരവിരുദ്ധര്‍ക്കെതിരെ ഭീമന്‍ പേനയൊരുക്കി വേറിട്ട പ്രതിഷേധം.
കോഴിക്കോട്: സംസ്‌കാരങ്ങളുടെയും നാഗരികതകളുടെയും ഈറ്റില്ലമായിരുന്ന ഇന്ത്യ ഇന്ന് അക്ഷരവൈരത്തിന്റെയും അസഹിഷ്ണുതയുടെയും രണഭൂമിയായി മാറി. ഈ ദുരന്തമുഖത്തുനിന്ന് സാംസ്‌കാരിക വൈവിധ്യവും മാനവികതയും അക്ഷരങ്ങള്‍ കൊണ്ട് സംരക്ഷിക്കുമെന്ന കരുത്തറ്റ പ്രഖ്യാപനത്തിന്റെ പ്രതീകമായിട്ടാണ് കാര്‍ട്ടൂണിസ്റ്റ് ദിലീഫും സഹപ്രവര്‍ത്തകരും ഭീമന്‍ പേന നിര്‍മിച്ച് പ്രതിഷേധ കൂട്ടെഴുത്ത് നടത്തി. മുന്നൂറ് കിലോ ഭാരമുള്ള പേനക്ക് ആറര മീറ്റര്‍ നീളവും 75 സെ.മി വ്യാസവുമുണ്ട്. ഇരുമ്പ്, പ്ലാസ്റ്റിക്, മരം, റബ്ബര്‍ എന്നിവ ഉപയോഗിച്ച് 15 ദിവസം കൊണ്ടാണ് ദിലീഫും സഹപ്രവര്‍ത്തകരും കൂറ്റന്‍ പേന നിര്‍മിച്ചത്.
