ഒറ്റക്കല്ല്. (കവിത)

ജിജി.. (Street Light fb group)

ഒറ്റക്കല്ലൊന്നു പിളർന്നു
കരയോളം പിളർത്തി കാലം
തട്ടി മുട്ടി ഘർഷണത്താൽ
നേരിന് നേർക്കഗ്നി പടർത്തി ..

ചെങ്കല്ലും ചീങ്കകളങ്ങനെ
പഞ്ചാരമണൽത്തരി വരെയും
പലവിധമതി വൈവിധ്യങ്ങളാൽ
വൈരുധ്യമുതിർന്നു നിറഞ്ഞു ..

വിരുതിന് വിലയേറ്റി വലച്ചവർ
വിരുന്നുണ്ണാൻ വരവറിയിച്ചു …
പഷ്ണിക്കാർ പാശം തിരയും
പാങ്ങില്ലാ കാലമുണർന്നു …

കാല ന്നു മൃത്യു വിധിക്കും
കലികാല കേളികളാടി
മനഃസാക്ഷി കണ്ണുകൾ മൂടി
കരിമേഘ ക്കീഴിലൊളിക്കാം

ഒന്നല്ലൊരായിരല്ല
കോടാനുകോടികളായി ..
കൊടിക്കൂറകൾ അനവധിയായി ..
കൊതി മൂത്തൊരു കൊലവിളിയായി .