ജോൺസൺ ചെറിയാൻ .
ഐസിസി വനിതാ ഏകദിന ലോകകപ്പില് ഇന്ത്യക്ക് കിരീടനേട്ടം. ദക്ഷിണാഫ്രിക്കയെ തകര്ത്താണ് ചരിത്രനേട്ടം. ദക്ഷിണാഫ്രിക്കയെ 52 റണ്സിന് തോല്പ്പിച്ചാണ് ഇന്ത്യന് ടീം ലോകജേതാക്കളായിരിക്കുന്നത്. 299 റണ്സ് വിജയലക്ഷ്യം പിന്തുടര്ന്ന പ്രോട്ടീസ് വിമെന് 246 റണ്സിന് പുറത്താകുകയായിരുന്നു. ഷഫാലി വര്മയുടെ ഓള് റൗണ്ട് മികവാണ് ഇന്ത്യയ്ക്ക് ലോകകിരീടം സമ്മാനിച്ചിരിക്കുന്നത്. ബാറ്റുകൊണ്ടും പന്തുകൊണ്ടും മികവ് കാട്ടിയ ഷഫാലി ഗംഭീര പ്രകടനം കൊണ്ട് ഇന്ത്യയെ ആദ്യത്തെ ലോകകിരീടം സമ്മാനിക്കുകയാണ്.
