ജോൺസൺ ചെറിയാൻ .
ഛത്തീസ്ഗഡില് മനുഷ്യക്കടത്ത് ആരോപിച്ച് മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തില് രാജ്യവ്യാപക പ്രതിഷേധം. വിഷയം ഉന്നയിച്ച് ഇന്ന് പാര്ലമെന്റ് കവാടത്തില് പ്രതിപക്ഷ എം പി മാര് പ്രതിഷേധിക്കും. പ്രതിപക്ഷം വിഷയം പാര്ലമെന്റിലും ഉന്നയിക്കും. കന്യാസ്ത്രീകള്ക്ക് നീതി ലഭ്യമാക്കാന് നേരിട്ട് ഇടപെടണമെന്നും, സുതാര്യവും നീതിയുക്തവുമായ നടപടി ഉറപ്പാക്കണമെന്നും ആവശ്യപ്പെട്ട് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിക്ക് കത്ത് അയച്ചു. കന്യാസ്ത്രീകള്ക്കായി ജാമ്യാപേക്ഷ ഇന്ന് സമര്പ്പിക്കും.
