ജോൺസൺ ചെറിയാൻ .
ഇന്ത്യൻ ഫുട്ബോൾ ടീം മുഖ്യ പരിശീലകനാകാൻ ബാഴ്സലോണയുടെ ഇതിഹാസതാരം സാവി ഹെർണാണ്ടസ്. മനോലോ മർക്കസ് ടീം വിട്ടതോടെ പുതിയ പരിശീലകനെ തേടിയുള്ള പോസ്റ്റർ എഐഎഫ്എഫ് സാമൂഹ്യമാധ്യമങ്ങളിൽ പങ്കുവെച്ചിരുന്നു. അതിനു പിന്നാലെയാണ് സാവിയും തന്റെ അപേക്ഷ ഫെഡറേഷന് മുന്നിൽ സമർപ്പിച്ചത്. ഇത് അഖിലേന്ത്യ ഫുട്ബോൾ ഫെഡറേഷൻ സ്ഥിരീകരിക്കുകയും ചെയ്തു. എന്നാൽ, സാവിയുടെ അപേക്ഷ ബോർഡ് പരിഗണിച്ചില്ല. സാവിയെ പോലുള്ള ഫുട്ബോൾ ലോകത്തെ ശ്രദ്ധേയമായ താരങ്ങളെ ഇന്ത്യൻ പരിശീലകനായി നിയമിക്കാനുള്ള പണം ഇല്ലെന്നതായിരുന്നു അതിന് കാരണം.
