ജോൺസൺ ചെറിയാൻ.
ഇന്ത്യ ബംഗ്ലാദേശ് അതിർത്തിയിലെ സംഘർഷ സമാനമായ സാഹചര്യം ചർച്ച ചെയ്യുന്നതിനായി ഇന്ത്യൻ ഹൈ കമ്മീഷണർ പ്രണയ് വർമ്മയെ ബംഗ്ലാദേശിലെ വിദേശകാര്യ മന്ത്രാലയം വിളിച്ചുവരുത്തി. ഇരു രാജ്യങ്ങളും തമ്മിൽ ഒപ്പുവച്ച ഉഭയകക്ഷി കരാറിന് വിരുദ്ധമായി ഇന്ത്യ അതിർത്തിയിൽ അഞ്ചിടത്ത് വേലി കെട്ടുന്നതായി ബംഗ്ലാദേശ് സർക്കാർ കഴിഞ്ഞദിവസം ആരോപിച്ചിരുന്നു. ഇന്നലെ ഉച്ചയ്ക്ക് മൂന്ന് മണിയോടെ ഇന്ത്യൻ ഹൈക്കമ്മീഷണർ ഉൾപ്പെട്ട സംഘം ബംഗ്ലാദേശിലെ വിദേശകാര്യ മന്ത്രാലയത്തിൽ എത്തുകയും മുഹമ്മദ് ജാസിം ഉദിനുമായി വിഷയം ചർച്ച ചെയ്യുകയും ചെയ്തു.
