പി പി ചെറിയാൻ.
സെൻ്റ് പോൾസ് മാർത്തോമ്മാ ചർച്ച് “ഫാമിലി സൺഡേ” ആഘോഷിക്കുന്നതിന്റെ ഭാഗമായി ക്രിസ്തുവിൻ്റെ സ്‌നേഹം പ്രചരിപ്പിക്കുന്ന ചാരിറ്റി ഓർഗനൈസേഷനുകളെ പിന്തുണയ്ക്കുന്നതിനായി പള്ളി അംഗങ്ങൾ അവരുടെ ഒരു ദിവസത്തെ വരുമാനം സംഭാവന ചെയ്തിരുന്നു .സംഭാവനയായി ലഭിച്ച തുകയുടെ അമ്പതു ശതമാനം ഈ വർഷം 2 പ്രാദേശിക ചാരിറ്റി ഓർഗനൈസേഷനുകളെ പിന്തുണയ്ക്കുന്നതിനായി സംഭാവന ചെയ്തു.
ഷെയറിംഗ് ലൈഫ് കമ്മ്യൂണിറ്റി ഔട്ട്റീച്ച് – സാമ്പത്തിക ബുദ്ധിമുട്ടുകൾ നേരിടുന്ന വ്യക്തികളെയും കുടുംബങ്ങളെയും ഉന്നമിപ്പിക്കുന്നതിനായി സമർപ്പിച്ചിരിക്കുന്ന ഒരു ലാഭേച്ഛയില്ലാത്ത സ്ഥാപനം. മെസ്ക്വിറ്റ് പോലീസ് ഡിപ്പാർട്ട്‌മെൻ്റ് സാൻ്റാ കോപ്പ് പ്രോഗ്രാം – ക്രിസ്‌മസ് സീസണിൽ പാവപ്പെട്ട കുട്ടികളെയും കുടുംബങ്ങളെയും പിന്തുണയ്ക്കുന്നതിനായി മെസ്ക്വിറ്റ് പോലീസ് ഡിപ്പാർട്ട്‌മെൻ്റ് നടത്തുന്ന ഒരു പ്രോഗ്രാം. ഈ രണ്ടു ഗ്രൂപ്പിന്റെയും പ്രതിനിധികൾ ക്കു നവംബര് ഒന്നും രണ്ടും ഞായറാഴ്ചകളിലെ വിശുദ്ധ കുർബാനക്കുശേഷം നടന്ന ലളിതമായ ചടങ്ങിൽ ട്രസ്റ്റിമാരായ എബി തോമസും വിനോദ് ചെറിയാനും ചെക്ക് കൈമാറി.
