ജ്യോതി ലക്ഷ്മി .
എൻ സ്മൃതിപഥത്തിലൊരു ഞെട്ടറ്റ
പൂവിൻ നനുത്ത ഗന്ധം!!
തണുത്ത കാറ്റിൻ സ്പന്ദനം
തലോടുമിതളിൽ സ്വാന്ത്വനം!!
ഗദ്ഗദമേന്തും നിശബ്ദത,പിന്നെ
ആചാര വെടി തൻ പ്രകമ്പനം.!!
ഇന്നു ഞാനീ വേളയിൽ നിനക്കു-
വേണ്ടി നെഞ്ചിലേറ്റുമീ പതക്കം..
ദേശസ്നേഹത്തിന്നു പകരമായ്
ചിതറിത്തെറിച്ച നിൻ നെഞ്ചിൽ
ചാർത്തുവാനൊരു പരമവീരചക്രം.
ഇന്നീ നിൻ സ്മൃതിമണ്ഡപത്തിൽ
ഉയരും ഗദ്ഗദമടക്കിയൊതുക്കി തൊഴുകൈ കൂപ്പി മന്ത്രിക്കാം “”മറക്കില്ലൊരിക്കലും “”.
