അന്താരാഷ്ട്ര താരങ്ങള്‍ പങ്കെടുക്കുന്ന കിംഗ്സ് ചാമ്പ്യന്‍ സ് ട്രോഫി ന്യുജേഴ്സിയില്‍ ശനിയാഴ്ച.

0
346
വിനോദ് ഡേവിഡ്‌.
അന്താരാഷ്ട്ര താരങ്ങള്‍ പങ്കെടുക്കുന്ന കിംഗ്സ് ചാമ്പ്യന്‍സ് ട്രോഫി ന്യുജേഴ്സിയില്‍ ശനിയാഴ്ച ആരംഭിക്കും .അമേരിക്കക്ക് വേണ്ടി കളിച്ചവര്‍ ഉള്‍പ്പടെ നിരവധി പ്രൊഫഷണല്‍ താരങ്ങള്‍ പങ്കെടുക്കുന്ന ടൂര്‍ണമെന്റിനുള്ള തയ്യാറെടുപ്പുകള്‍ പൂര്‍ത്തിയായതായി ക്യാപ്റ്റന്‍ അലക്സ് ചിലമ്പട്ടശ്ശേരില്‍ അറിയിച്ചു.
മെയ് 26, 27 തിയതികളിൽ നടക്കുന്ന ടൂർണമെന്റിൽ അമേരിക്കയിലെ എട്ട് പ്രഫഷണൽ ടീമുകൾ ബാറ്റേന്തും .കായിക പ്രേമികളുടെ പ്രിയ ഗ്രൗണ്ടായ ന്യൂജേഴ്‌സിയിലെ ഏറ്റവും വലിയ പാർക്കായ പ്രിൻസ്റ്റണിലെ മേർസർ കൗണ്ടി പാർക്കിലെ മൂന്ന് ഗ്രൗണ്ടുകളിലായാണ് മത്സരം നടക്കുന്നത്. (Mercer County Park – 1638 old Trenton road , Princeton Junction, NJ 08550)
മൂന്നു വർഷം മുൻപ് 2015ൽ ആണ് കിംഗ്സ് ക്രിക്കറ്റ് ക്ലബ് തുടങ്ങിയത്. രാജ്യത്തെ മലയാളികളുടെയും ക്രിക്കറ്റിനെ സ്നേഹിക്കുന്ന എല്ലാവരുടെയും ആവേശമാണ് കിംഗ്സ് ക്രിക്കറ്റ് ക്ലബിന്റെ ആദ്യ ടൂർണമെന്റിന്റ പ്രചോദനം .പ്രത്യേകം തയാറാക്കിയ പിച്ചിൽ നടക്കുന്ന മത്സരങ്ങൾ കാണാൻ വളരെ നേരത്തേ സോഷ്യൽ മീഡിയയിൽ “ഞങ്ങളും വരുന്നു” ക്യാംപയിൻ തുടങ്ങിയിരുന്നു.
അത്യധികം ആവേശകരമാകുന്ന ഫൈനൽ മത്സരം മെയ് 27, ഞായറാഴ്ച്ച കൃത്യം 12:00 മണിക്ക് ആരംഭിക്കുന്നതാണ്. എല്ലാ ക്രിക്കറ്റ് പ്രേമികളേയും ഈ കായിക മാമാങ്കത്തിലേക്കു സാദരം ക്ഷണിച്ചുകൊള്ളുന്നു.
കൂടുതൽ വിവരങ്ങൾക്ക് :
അലക്സ് ജോൺ : 908-313-6121
സുനോജ് മല്ലപ്പള്ളി :267-463-3085
ഡാനി ടോം : 732-215-3189
മിതുൽ ജേക്കബ് : 917-903-8066
ലെവിൻ ഐസക് : 813-484-4923,
ബിനു മല്ലപ്പള്ളി 267 2354 345

Share This:

Comments

comments