രാജസ്ഥാനില്‍ സഹോദരിയെ പ്രണയിച്ച മുസ്ലിം യുവാവിനെ ജീവനോടെ കത്തിച്ച്‌ ദൃശ്യങ്ങള്‍ പകര്‍ത്തിയ പ്രതി അറസ്റ്റില്‍.

രാജസ്ഥാനില്‍ സഹോദരിയെ പ്രണയിച്ച മുസ്ലിം യുവാവിനെ ജീവനോടെ കത്തിച്ച്‌ ദൃശ്യങ്ങള്‍ പകര്‍ത്തിയ പ്രതി അറസ്റ്റില്‍.

0
442
ജോണ്‍സണ്‍ ചെറിയാന്‍.
ജയ്പുര്‍: രാജസ്ഥാനില്‍ സഹോദരിയെ പ്രണയിച്ച മുസ്ലിം യുവാവിനെ ജീവനോടെ കത്തിച്ച്‌ ദൃശ്യങ്ങള്‍ പകര്‍ത്തിയ പ്രതി അറസ്റ്റില്‍. രാജസ്ഥാനിലെ രാജസമന്ദിലാണ് ഭീതിജനകമായ സംഭവം അരങ്ങേറിയത്. സഹോദരിയോട് മുസ്ലീം യുവാവിനുള്ള പ്രണയം ലൗ ജിഹാദാണെന്ന് ആരോപിച്ചാണ് പ്രതി ഈ ക്രൂരത നടത്തിയത്.
ഇതിനോടകം സോഷ്യല്‍ മീഡിയയില്‍ വൈറല്‍ ആയ വീഡിയോയിലെ ദൃശ്യങ്ങള്‍ പരിശോധിച്ചാണ് പ്രതിയെ പൊലീസ് പിടികൂടിയത്. പശ്ചിമ ബംഗാളിലെ മാള്‍ഡ സ്വദേശിയായ മുഹമ്മദ് അഫ്രസുള്‍ ആണ് കൊല്ലപ്പെട്ട വ്യക്തിയെന്നും അക്രമി രാജസമന്ദ് സ്വദേശിയായ ശംഭുലാല്‍ റഗാര്‍ ആണെന്നും പൊലീസ് കണ്ടെത്തി.
ശംഭുലാലിനെ അറസ്റ്റ് ചെയ്തതായി ആഭ്യന്തര മന്ത്രി ഗുലാബ് ചന്ദ് കതാരിയ പറഞ്ഞു. ജോലി നല്‍കാമെന്ന്വാഗ്ദാനം ചെയ്താണ് പ്രതി അഫ്രസുളിനെ സംഭവ സ്ഥലത്തെത്തിച്ചത്. സംഭവത്തിന്റെ ഓരോ വിശദാംശങ്ങളും ചിത്രീകരിക്കാനായി പ്രതിക്ക് ഒരു സുഹൃത്തിന്റെ സഹായവും ലഭിച്ചിരുന്നു.
ക്രൂരമായ മര്‍ദ്ദനത്തിന് വിധേയനാകുന്ന അഫ്രസുള്‍ ദയവുണ്ടാകണമെന്ന് ശംഭുലാലിനോട് യാചിക്കുന്നതും, അതിന് ശേഷം അഫ്രസുളിനെ പ്രതി ജീവനോടെ കത്തിക്കുന്ന ദൃശ്യങ്ങളും വീഡിയോയിലുണ്ട്.

Share This:

Comments

comments