ദിലീപുമായുള്ള പ്രശ്‌നം;സംഭവത്തെ കുറിച്ച് വിശദീകരണവുമായി ബിജുമേനോന്‍.

ജോണ്‍സണ്‍ ചെറിയാന്‍.

കൊച്ചി: കുറച്ച് കാലം മുന്‍പ് സോഷ്യല്‍ മീഡിയയില്‍ പ്രചരിച്ച വാര്‍ത്തകളില്‍ ഒന്നായിരുന്നു ദിലീപ് -ബിജു മേനോന്‍ തമ്മിലുള്ള പ്രശ്‌നം. സംയുക്തയുമായുള്ള പിണക്കം ദിലീപ് ഭര്‍ത്താവില്‍ തീര്‍ക്കുന്നുവെന്നായിരുന്നു പ്രചരണം. എന്നാല്‍ സംഭവത്തെ കുറിച്ച് വിശദീകരണവുമായി ബിജുമേനോന്‍ രംഗത്തെത്തി. ഇത് പൂര്‍ണമായും തെറ്റാണെന്ന് ബിജു മേനോന്‍ പറയുന്നു. വര്‍ഷങ്ങളായി ദിലീപുമായി മികച്ച സൗഹൃദം കാത്തുസൂക്ഷിക്കുന്ന ബിജുമേനോനെ ഈ വാര്‍ത്ത ഏറെ വേദനിപ്പിച്ചു. ഇത് വ്യാജമാണെന്ന് ബിജു മേനോന്‍ പറയുന്നു.

ദിലീപ് എന്നെയോ ഞാന്‍ ദിലീപിനേയോ ഒതുക്കാന്‍ ശ്രമിച്ചിട്ടില്ല. അതിന്റെ കാര്യവുമില്ല. ഒരു പണിയുമില്ലാത്ത ആരൊക്കയോ ചേര്‍ന്നു പടച്ചുവിട്ട വാര്‍ത്തകളാണ് അതെല്ലാം. വെറേ എന്തൊക്കെയോ വ്യക്തിപരമായ ലക്ഷ്യങ്ങളോടെയായിരിക്കും അവര്‍ ആ വാര്‍ത്തകള്‍ സൃഷ്ടിക്കുന്നത്. ഞാനും കാണാറുണ്ട് അത്തരം വാര്‍ത്തകള്‍. ദിലീപും കണ്ടിട്ടുണ്ടാകും. ഞാനും ദിലീപും ഇത്തരം കാര്യങ്ങള്‍ സംസാരിക്കാറില്ല.

ദിലീപിനും മനസിലാക്കാന്‍ സാധിക്കും ഇതുപോലുള്ള ന്യൂസ് പടച്ചുവിടുന്നതിനു പിന്നിലുള്ള കാരണങ്ങള്‍ എന്നും ബിജു മേനോന്‍ പറയുന്നു.