ശ്രീകുമാർ ഉണ്ണിത്താൻ
ഒരു സംഘടന നാൽപ്പത് വർഷം പിന്നിടുന്നത് ചരിത്രമാണ് അത് ജനിച്ച നാടും വീടും വിട്ടു മറ്റൊരു ഭുമികയിലാകുമ്പോൾ ആ ചരിത്ര മുഹുര്ത്തത്തിനു പത്തരമാറ്റു ഭംഗി കൂടും .ഇപ്പോൾ ആ പത്തരമാറ്റിന്റെ ആനന്ദത്തിലാണ് ഞാൻ .കാരണം ഒരു സംഘടനയുടെ ഭാഗമാകുക മാത്രമല്ല അതിന്റെ ചരിത്ര നിയോഗത്തിനൊപ്പാം പങ്കാളി ആകുവാൻ സാധിച്ചു എന്ന സന്തോഷം ഒരു വശത്ത് ;ഇനി വരുന്ന നാൽപ്പത് വര്ഷത്തെ സംഘടനയുടെ പ്രവർത്തനങ്ങളുടെ തയ്യാറെടുപ്പ് ഇവയെല്ലാം ഒരു സംഘടനാ പ്രവർത്തകൻ എന്ന നിലയില എന്നിലുലവാക്കുന്ന ആനന്ദം ചെറുതല്ല .
ഈ സംഘടനയുടെ യാത്രയിലെപ്പോഴോ കയറിയ ഒരു എളിയ പ്രവര്ത്തകനായ എനിക്ക് ഇന്ന് ഈ സംഘടനയുടെ പ്രസിടന്റായി പ്രവര്ത്തിക്കുവാൻ സാധിച്ചതിനു പിന്നിലെ വസ്തുതകൾ വിശദീകരിക്കട്ടെ .
അമേരിക്കാൻ മലയാളി സമൂഹത്തിൽ മലയാളികളുടെ ഒരു കുട്ടായ്മ ആരംഭിക്കുന്ന സമയത്ത് രൂപം കൊണ്ട സംഘടനകളിൽ ഒന്നാം സ്ഥാനമാണ് ഈ സംഘടനയ്ക്കുള്ളത് .ഇന്നലകളെ കുറിച്ചു ഓര്ക്കുകയും നാളെയെ എങ്ങനെ സമീപിക്കണമെന്ന് ചിന്തിക്കുകയും അതിനുവേണ്ടി അമേരിക്കാൻ മലയാളി സമൂഹത്തെ രുപപ്പെടുത്തുവാനും ശ്രമിക്കുകയും ചെയ്ത പ്രസ്ഥാനമാണ് വെസ്റ്റ് ചെസ്റ്റർ മലയാളീ അസോസിയേഷൻ .ഇത് അമേരിക്കാൻ മലയാളികൾ തിരിച്ചറിഞ്ഞു എന്നതാണ് ഈ സംഘടനയുടെ വളർച്ചയുടെ കാതലായി ഞാൻ നോക്കി കാണുന്നത് .
ഒരു സാധാരണ സംഘടന എന്ന നിലയിൽ വെസ്റ്റ് ചെസ്റ്റർ മലയാളി അസോസിയേഷന്റെ ഉത്തരവാദിത്വവും പ്രസക്തിയും ഇന്നത്തെ സാഹചര്യത്തിൽ വളരെ വലുതാണ് .ആ ബാധ്യത തിരിച്ചറിയുന്ന ഒരു നേതൃത്വ നിരയും പ്രവർത്തകരും നമുക്കുണ്ട് .അതാണ് നമ്മുടെ ചലനാത്മകതയുടെയും ശക്തിയുടെയും ഉറവിടം .അമേരിക്കാൻ മലയാളികളുടെ സംഘടനകളുടെ സംഘടനയായ ഫൊക്കാനയുടെ രൂപികരണം മുതൽ ഇന്ന് വരെ ഈ സംഘടനയിൽ നിന്നും ഒരാളെങ്കിലും എല്ലായ്പ്പോഴും ഫൊക്കാനയുടെ നേതൃത്വത്തിലുണ്ടാകും.ഫോമ ആയാലും അങ്ങനെ തന്നെ .ഇതിനു കാരണം ഈ സംഘടനയുടെ സുതാര്യത ആണ് .പൊതു പ്രവര്ത്തനം ലളിതവും സുതാര്യവും ലളിതവുമായിരിക്കണമെന്നും ,ഒപ്പം ദീർഘദർശനവും ലളിതവുമായിരിക്കണമെന്നും ,ഒപ്പം ദീർഘദർശനവും യുക്തിസഹവുമായ തീരുമാനമെടുക്കുവാനും നാളിതുവരെ ഈ സംഘടന കാണിച്ച മിടുക്കാണ് .ഇതിനെല്ലാം കാരണവും ,ഫലവുമായത് ശക്തവുമായ ഒരു മാൻപവർ ആണ്.അത് തുടക്കം മുതൽ ഉണ്ടാക്കിയെടുക്കാൻ സംഘടനയ്ക്ക് കഴിഞ്ഞു .അത് നാളിതുവരെ ശരിയാംവണ്ണം വിനിയോഗിക്കുവാ സംഘടനയുടെ പിൻതലമുറക്കാർക്കും സാധിച്ചു.
സംഘടനയെ ഇന്നത്തെ നിലയില വളർത്തിയെടുക്കുന്നതിൽ വളർത്തിയെടുക്കുന്നതിൽ നിരവധി പങ്കുവഹിച്ച നിരവധി വ്യക്തികളെ ഉണ്ടായിരുന്ന ലക്‌ഷ്യം ഇതായിരുന്നു.”വെസ്റ്റ് ചെസ്റ്ററിലും സമീപ പ്രദേശങ്ങളിലും താമസിച്ചിരുന്ന മലയാളികൾ ഒത്തുകൂടുകയും അവരുടെ പ്രവാസ ജീവിത പ്രശ്നങ്ങൾ പരിഹരിക്കുന്നതിനാവശ്യമായ സഹായങ്ങൾ ചെയ്തുകൊടുക്കുവാനും കേരളത്തിന്റെ സംസ്കാരം തലമുറകളിലേക്ക് സന്നിവേശിപ്പിക്കുക എന്നാ ലക്ഷ്യത്തോടെ ആയിരുന്നു നമ്മുടെ സംഘടനയുടെ രൂപീകരണം .
രണ്ടായിരത്തിലധികം അംഗങ്ങൾ ഉള്ള അമേരിക്കയിലെ ഏറ്റവും പ്രബലമായ സംഘടനയാണ് നമ്മുടേത്‌ .ഓരോ വർഷവും ചരിത്രമാക്കി മാറ്റിയതിനു പിന്നിൽ 1975 മുതൽ നമ്മുടെ സംഘടനയ്ക്ക് നേതൃത്വം വഹിച്ചവരുടെ പങ്ക് വളരെ വലുതാണ് .ഒരു വ്യക്തിയല്ല മറിച്ച്ഒരു സമൂഹമായിത്തന്നെ യാണ് നമ്മുടെ എപ്പോഴത്തെയും പ്രവർത്തനങ്ങളെ അമേരിക്കാൻ മലയാളി സമൂഹം വിലയിരുത്തിയത് .
ഇന്ന് അമേരിക്കയുടെ മുഖ്യ ധാരയിൽ പ്രവർത്തിക്കുന്ന മലയാളികളിൽ ഭുരിഭാഗവും വെസ്റ്റ് ചെസ്റ്റർ മലയാളി അസ്സോസിയേഷന്റെ പ്രവർത്തകരാണ് .അതുകൊണ്ടുതന്നെ ദേശീയാടിസ്ഥാനത്തിൽ നമുക്ക് വലിയ പ്രാധാന്യമാണുള്ളത് .പല മുന്കാല നേതാക്കളും എന്തുകൊണ്ടോ ഇപ്പോൾ സാംസ്കാരിക രംഗത്ത് സജീവമായി നിലകൊള്ളാത്ത അവസ്ഥ ഉണ്ടായി.ആദ്യ പ്രസിഡണ്ടായ എം.വി.ചാക്കോ,പിന്നീട് സാരഥ്യം വഹിച്ച ജോണ്‍ ജോർജ് ,എം.സി ചാക്കോ ,കെ.ജി.ജനാർധനൻ,പ്രഭാകരൻ നായർ,കെ.ജെ ഗ്രിഗറി,തോമസ്‌ ആലംചെരിൽ,എ.സി. ജോർജ്, ,ജൊസഫ് വാണിയംപിള്ളി . ,പാർത്ഥസാരഥിപിള്ള,തോമസ്‌ പാലക്കൽ ,കൊച്ചുമ്മൻ ടി ജേക്കബ് ,ക്ലാര ജോബ് ,കെ.എം.മാത്യു തോമസ്‌ ,ഇ .മാത്യു ,ഫിലിപ്പ് വെമ്പേനിൽ,ജോണ്‍ സി.വർഗീസ്‌ ,എ.വി വർഗീസ്‌ ,ജോണ്‍ ഐസക്‌ ,രാജു സഖറിയ ,ബാബു കൊച്ചുമാത്തൻ,തോമസ്‌ കോശി ,രത്നമ്മ ബാബുരാജ് ,ജോണ്‍ മാത്യു,ജെ,മാത്യു ടെരൻസണ്‍ തോമസ്‌ ,ഫിലിപ്പ് ജോർജ് , ഷാജി ആലപട്ട്, ജോയ് ഇട്ടൻ, കുറൂർ രാജൻ, എന്നിവരെയെല്ലാം സർവാത്മനാ ആദരിക്കേണ്ടതുണ്ട്.(നയനൻ ചാണ്ടി.സെബാസ്റ്റ്യൻ അഴയത്ത് എന്നിവർ ഇന്നു നമ്മോടൊപ്പം ഇല്ല) കഴി നാൽപ്പത്തി ഒന്ന് വർഷത്തെ ഭാരവാഹികൾ കമ്മറ്റി മെംബേർസ് , ഇവരെ കൂടാതെ സംഘടനയുടെ വളർച്ചയിൽ പങ്കാളികളായ നിരവധി ആളുകളെ സ്മരിക്കേണ്ടതുണ്ട്.
നാൽപ്പത് വർഷങ്ങളിലെ കാരുണ്യ ധാര
…………………………………………………………………..
വെസ്റ്റ് ചെസ്റ്റർ മലയാളി അസ്സോസിയേഷന്റെ രൂപീകരണത്തിനു പിന്നിലെ പ്രധാന ലക്‌ഷ്യം നമ്മുടെ ജന്മനാട്ടിലെ ജീവ കാരുണ്യ പ്രവർത്തനങ്ങളിൽ സജീവ സാന്നിദ്ധ്യം അറിയിക്കുക എന്നതുകൂടി ആയിരുന്നു.സഹായം സ്വീകരിച്ചവരുടെ പേരുകൾ പ്രസിദ്ധപ്പെടുത്തി അവരെ കളങ്കപ്പെടുത്താതെ ,അവരുടെ പ്രാർഥനയിൽ ഈ സംഘടനയുടെ സാന്നിദ്ധ്യം മാത്രം ഈ അവസരത്തിൽ ഞാൻ ആഗ്രഹിക്കുന്നുള്ളൂ .നമ്മുടെ ജീവകാരുണ്യ പ്രവർത്തനങ്ങളെയും സേവനങ്ങളെയും മറ്റു സംഘടനകൾക്ക് മാതൃക ആക്കാവുന്ന അവസ്ഥയാണ് ഇപ്പോൾ നമ്മുടെ സംഘടനയ്ക്കുള്ളത് .”ജനങ്ങൾ- സമൂഹം ” എന്ന നിലപാടിലാണ് നമ്മുടെ മുന്നേറ്റം .
